Historia

Betsozale Elkarteak 25 urte

Elkartearen historia bildu du Alberto Barandiaranek "Beste larogei urtian" liburuan. Liburuaren laburpena dokumental honetan aurkituko duzu:

1985 - 1987

1985ean Euskaltzaindiaren eta bertsolarien arteko irizpide desadostasunak zirela medio, 1986ko Txapelketa Nagusia bertsolariek euren kabuz antolatzea erabaki zuten.

Erabaki horren ondorio, 1987ko ekainaren 18an, Euskal Herriko Bertsolari Elkartea jaio zen sortu zen.

1987 - 1990

Bertsolaritzak ospe handia bereganatu zuen eta giro berri horretan eman zituen lehen pausuak Bertsozale Elkarteak:

  • 1987an pertsona bat hasi zen lanean elkartean, Donostiako Udalak uzkuntzan lagatako egoitzan.
  • Bazkideak egin eta herrialdeetako elkarteak eta zuzendaritza organoak jarri ziren abian.
  • Bertsolarien azterketa soziologikoa egin zen 1987an.
  • Telebistako bertso programa jarri zen abian 1988an.
  • Ikastolen Elkartearekin elkarlanean eskoletarako material didaktikoa sortzen hasi zen 1988tik aurrera.
  • Xenpelar Dokumentazio Zentroaren diseinua egin zen 1990ean.
  • Bertso saioen grabaketen koordinazioa hasi zen 1987an, eta 1989an argitaratu zen aurrenekoz Bapatean liburua.
  • Bazkideen barne komunikaziorako BertsoZale berripapera sortu zen 1989an.
  • Txapelketa Nagusia antolatu zen 1989an, eta Bertsolari Eguna urtero.
  • Euskal Herri osora hedatu ziren bertso eskolak.

1991 -1996

Bertsolaritzak gizartean lortutako prestigio handiari erantzunez, proiektu berri ugari jarri ziren abian. Honek eragin zuzena izan zuen elkartearen egoera ekonomikoan eta larriuneak ere ekarri zituen:

  • 1991n hiru pertsona gehiago kontratatu ziren elkartean lan egiteko.
  • 1991n Xenpelar Dokumentazio Zentroa martxan hasi zen, Kutxa aurrezki erakundeak uzkuntzan lagatako egoitzan.
  • 1991-93an bertsozaletasunari buruzko azterketa soziologikoa egin zuen Siadeco-k etxeak.
  • 1993an Bertsolari Txapelketa Nagusia antolatu zen.
  • Urtero Bertsolari Eguna antolatzen jarraitu zen, baina 1996an izena eta izana aldatu zitzaizkion. Omenaldi-egun zen Bertsolari Eguna izatetik, sorkuntza berrietarako Bertso Eguna izatera pasa zen.
  • 1993 eta 1995ean Bertsolamintza azterketa taldeak bertsogintzari buruz egindako lanak eman ziren argitara.
  • 1995ean Bertsolari Elkarte izatetik Bertsozale Elkartea izatera pasatu zen.
  • Ekimen bereziak antolatu ziren bertso eskoletako irakasleen formakuntzarako.
  • Elkartearen eta Herri Administrazioaren arteko harremanak zaildu egin ziren: ez zen inolako laguntzarik jaso, telebistako programa eten egin zen eta egoera ekonomiko larria bizi izan genuen 1995-1996 urteetan.
  • Bi langilek elkartea utzi behar izan zuten eta zenbait egitasmo aurrera egin ezinda gelditu ziren.

1997 - 2001

Elkartearen egoera normalizatu egin zen urte hauetan, funtzionamendu egitura sendotuz eta estrategikoan ziren proiektuetan aurrerapauso handiak emanez:

  • Langabezian gelditu ziren langileak errekuperatu eta beste bi pertsona gehiago kontratatu ziren.
  • Bertso ekitaldiak antolatzeko LANKU zerbitzua jarri zen martxan 1999an.
  • 1997an Bertsolari Txapelketa Nagusia antolatu zen, eta urtero Bertso Egunak.
  • 1996an Mexikon eta 1998an Kanarietan hispanista inprobisatzaileen jardunaldietan parte hartu zuten bertsolariek.
  • 2000. urtean hiru urterako elkarlan hitzarmena izenpetu genuen Jaurlaritzako Hizkuntza Politikarako Sailordetzarekin, eta honen harira, Gipuzkoa eta Bizkaiko Aldundiek hainbat egitasmo finantzatu zituzten.
  • 2000. urtean Xenpelar Dokumentzaio Zentroarako digitalizatzeko programa garrantzitsua jarri zen abian.
  • Inbertsio garrantsitzuak egin dira komunikazio azpiegituran.

2001 - 2005

Hainbeste urtetako esperientziak dakarren heldutasuna lagun, hainbat erronkari heltzeko gai izan da Bertsozale Elkartea azken lau urteotan:

  • Bat-bateko bertsolaritza liburua argitaratu zen 2001ean, lau hizkuntzetan.
  • 2001ean Bertsolari Txapelketa Nagusia antolatu zen, eta urtero Bertso Egunak.
  • Ahozko Inprobisazioa Munduan Kulturarteko Topaketak antolatu ziren 2003ko udazkenean.
  • www.argodat.com munduko ahozko inprobisazioaren datu basea jarri zen martxan 2005ean.
  • LANKU zerbitzua S.A bihurtu zen 2004an.
  • Elkartearen Bateratze prozesua martxan jarri zen.
  • Lehendakari berria aukeratu zen 2005ko Batzar Nagusian.

2006 - 2009

Elkartearen ibilbideari begirada sakona eskaini eta aldaketa esanguratsuak eman dira azken urteotan.

  • 2006ko udazkenean Elkartearen gogoeta jardunaldiak egin ziren Zarautzen.
  • 2007an hurrengo hamabi urtetarako Elkartearen ildo estrategikoaren diseinua burutu zen.
  • 2007an ekin zitzaion bertsolaritzaren transmisioaren diagnosiari.
  • 2008. urtean Euskal Herriko Bertsozale Elkartearen egoitza Donostiatik Villabonara lekualdatu zen.
  • 2009an Bertsolari Txapelketa Nagusia antolatu da.