Urduliz, prest
2014/11/30
Bigarren finalaurrekoa jokatuko da gaur Urdulizko Iparralde frontoian, 17:30etik aurrera; gaur jakingo da Bizkaiko Txapelketako bigarren finalista nor izango den.
Gaur jokatuko da Urdulizen #Josi Bizkaiko Bertsolari Txapelketako bigarren finalaurrekoa. Sei bertsolari igoko dira Iparralde frontoiko oholtzara:
- Beñat Ugartetxea
- Etxahun Lekue
- Gorka Ostolaza
- Julen Erezuma
- Onintza Enbeita
- Xabat Galletebeitia
Gaurko irabazlea zuzenean sailkatuko da abenduaren 20an Miribillan jokatuko den finalera. Besteak hurrengo saioko puntuazioaren zain geratuko dira.
Gaurko saioa 17:30ean hasiko da. Txarteldegiko ateak 16:00etan zabalduko dira.
