Bertsolaritza ikertzeko sariak eskainiko dira aurten ere

2017/07/17
Mintzola Ahozko Lantegiak eta UPV/EHUko Mikel Laboa Katedrak jarri dute martxan ikerketa proiektu sariak eskaintzeko deialdia: 2.000 euroko bi sari dira esleitzeko daudenak.

2013an abiatutako bideari jarraituz, bertsolaritzaren ikerketa bultzatzeko deialdia jarri dute abian Mintzola Ahozko Lantegiak eta UPV/EHUko Mikel Laboa Katedrak elkarlanean. 2.000 euroko bi ikerketa proiektu sari eskainiko dira aurtengo deialdian.

Lanen ikergai nagusia bertsolaritza izango da eta edozein jakintza-alorretik aztertu ahal izango da berau. Urriaren 15era bitarte egin ahal izango dira eskariak.

Interesa izanez gero, prozedurari loturiko xehetasun guztiak topatuko dituzu hemen.

Informazio gehiago www.mintzola.eus eta www.ehu.eus/laboakatedra atarietan.

Bertsolaritza ikertzeko aukera paregabea eskaintzen du deialdiak. / XDZ